En Son un toxo colaboramos con proxectos que nos emocionan, que comunican en galego ou que nacen en Galicia. Queremos darlles forma ás súas ideas a través do deseño de camisetas personalizadas e outro merchandising, creando produtos con identidade e que axuden a dar visibilidade ao que fan.
Se tes unha marca, unha asociación, un festival ou un proxecto creativo e queres conectar co teu público con camisetas que falen por ti, nós axudámoste a:
Deseñar produtos orixinais adaptados á túa mensaxe e estilo.
Crear unha imaxe coherente coa túa identidade visual.
Conseguir visibilidade e presenza a través dun produto que a xente leva posto.
Non somos só un estudo de deseño: queremos establecer lazos e facer que os proxectos galegos brillen.
Feiraco é unha das marcas máis memorables de Galicia, coa que nos fixo especial ilusión colaborar.
Colaboramos con eles para celebrar o Día de Galicia creando unha identidade gráfica moi especial: inspirámonos no icónico “I ♥ NY” e adaptámolo ao galego: “EU 💚 GALICIA”, cun corazón verde que encheu de cor e orgullo galego os lineais dos supermercados.
Tamén deseñamos souvenirs conmemorativos: cuncas e bolsas de tea, que a xente puido conseguir mercando produtos Feiraco.
Ademais, tamén se organizou en Santiago con un mural xigante onde todos podían deixar a súa mensaxe de amor por Galicia e levar para casa un recordo da campaña.
Camping Lago Mar non é soamente un camping. É un espazo cultural deseñado para que os seus visitantes poidan disfrutar dunha variedade de eventos e concertos nun ambiente acolledor e único, un lugar onde se mesturan paisaxe, gastronomía, música, arte, cultura e boa vibra. Un lugar no que te sintes coma na casa, onde desconectas da rutina e onde disfrutas de todo iso e máis.
E que mellor espazo para deixar un cachiño do noso arte, dos nosos deseños e dos nosos produtos. Por iso nace esta colaboración entre dous proxectos únicos na Costa da Morte e na que se misturan a súa boa vibra coa nosa forma de facer as cousas.
A cami “A túa favorita” forma parte da colección O Moncho Burguer x Toxo. Cando nos propuxeron colaboración non tivemos outro remedio que dicir que sí! Porque apoiamos o que se fai ben, o de aquí, e a quen utiliza o galego para levar a cabo un proxecto na Costa da Morte.
O Moncho Burguer non é so un local de hamburguesas: é experiencia, sabor e bo rollo. Aquí as hamburguesas son obras de arte (Vaca vella, Black Angus, A Malladuira….).
Os seus ingredientes son pura explosión de sabor, o ambiente é pura enerxía e cada visita acaba cun “¡qué ricoooo!”. Agora, podes levar esa esencia no teu estilo con esta camiseta. Camiseta 100% algodón orgánico. Lavar con cores similares, non planchar o estampado, dar a volta á prenda para lavala, planchala polo revés.
